ياجماعة دى مشكلتى مع توكيل المنصور ولافيو من الاول للاخر عشان كله ياخد باله:
1- انا اشتريت عربية شيفروليه افيو 2013 اوتوماتيك من معرض الابيض فى المريوطية فيصل فى يوم 10-3-2013..........وبعد الاستلام وانا رايح ارخص العربية حسيت ان فى رعشة فى بدال الفرامل............
2- فى يوم 14-3-2013 روحت لتوكيل المنصور ..........كشف على العربية وقاللى عادى دى حاجة بسيطة وصلحها وخرجت بيها من التوكيل والرعشة فعلا قلت بس ماراحتش نهائى رجعتلهم قاللولى عادى مع الاستخدام هتروح الرعشة.............
3- فضلت ماشى بالعربية والرعشة عمالة تزيد ............روحت تانى فى يوم 4-4-2013 دخلو العربية وقالى المهندس اصل الطانبير مش عارف ايه وحاجة بسيطة بردو وانى مقلقش..............بعد ماخلصو التصليح سألت المهندس قالى العربية اتصلحت وزى الفل ومتظبطة على الشعرة واتجربت...........خرجت بالعربية واول ماجربت اسوقها على 60 و70 لقيت رعشة فى بدال الفرامل والدريكسيون كمان !!!!!!!!!!!!!!!!!!!!!!!رجعتلهم تانى قالى مش معقولة طيب هجربها لاقها فيها رعشة قالى طيب المركز قفل تعالى بعد بكرا وندخل العربية تانى
4-فى يوم 5-4-2014 روحت لجهاز حماية المستهلك((اقل من شهر من شراء العربية)) وعملت شكوى ضد التوكيل وقعدت مع المحقق قولتله وبعد الشكوى ايه الحل؟؟؟ قالى روحلهم وصلح معاهم وشوف ايه النظام ولو متصلحتش تعالى تانى..............
5- روحت التوكيل يوم 6-4-2013 ودخلت العربية ..........المرة دى قالى المهندس العربية لازم تبات يومين عشان نظبطها وكدا وكمان تتعرض على مهندس المصنع............المهم روحت استلم العربية لاقيت الرعشة قلت بردو بس لسه موجودة ..........رجعت للمهندس قاللى اه فعلا فيها رعشة فى البدال والدريكسون بس
بسيطة .......قولتله ياسلام!!!!!!!!!!!!!!!!!!!!! المهم قالى تعالى تانى يوم 11-4-2013!!!!!!!!!!!!!!!!!!!!
6- رجعت لحماية المستهلك وللمحقق قالى ايه الاخبار قولتله ولا الهوا..........طلبت منه ياخدوا اجراء مع التوكيل ..........قاللى طب انا هقولك روح لمدير المركز المهندس محمد الفرماوى وقوله انك من طرفى وكدا وهو هيظبطك........
7- روحت للمهندس محمد الفرماوى وقولتله انا من طرف المحقق حماية المستهلك وهو بيوصى وكدا..........متتخيلوش مدى قلة الذوق والادب اللى اتعامل معاى بيها..........قالى يعنى اعملك ايه يا فندى؟؟؟ قولتله العربية فيها مشكلة من ساعة مااشترتها والفرامل مش بتتصلح.......قاللى ماتروح تسلمها لاى مهندس تحت انا مالى انا ؟؟؟؟............المهم من كتر قرفه قاللى انا مش فاضيلك روح مع السكرتيرة قالتلى انزل للمهندس كذا وهو هيتابع معاك.........نزلت وروحت للمهندس قالى دخل العربية وبيتها يومين وسيبت العربية وانا فى منتهى القرف..............
8-بعد يومين .......جيت استلم قالى مظبطها على الشعرة وزى الفل ........قولتله اطلع مع معاى نجربها .......قالى انا جربتها........قولتله لا معلش اطلع معاى.........طلع وجربنا لاقينا الرعشة زى ماهى بالظبط!!!!!!!!!!!!!!!! قالى دخلها تانى فرفضت وقولتلة انا هاخد العربية .......ولما جيت استلم العربية طلبت منه ورقة الكشف على العربية وبالاصلاح رفض وقالى مادام جوا الضمان مش بنطلع ورق........استغربت جدا من الموقف ما كان بيطلع ورق قبل كدا قالى اصل دا هو النظام دلوقتى...........
9-استلمت العربية .......وبعدها طلعت على حماية المستهلك بقول للمحقق انى روحت لمحمد الفرماوى وعمل معاى كذا كذا .........قاللى لا عادى معلش تلاقيه ماخدش باله ولا حاجة.........قولتله هنعمل ايه دلوقتى؟؟
قالى هيتحدد معاد مع لجنة السيارات وبعد فترةكلمونى و اتحدد معاد يوم 4-6-2013
10-روحت اللجنة اللى رئيسها تقريبا لواء شرطة وحضر محمد الفرماوى ومعاه واحد اقرع طويل من جنرال موتورز و دخلتلهم ........ولاقيتهم عاملين يضحكوا مع بعض ويهزروا....... المهم بدات الجلسه ورئيس اللجنةقاللى ايه طلباتك قولتله مش عايز العربية العربية واضح ان فيها مشكلة ومش بتتصلح .......سأل الفرماوى قال العربية مفيهاش حاجة واخر مرة خرجت واتصلحت العميل استلمها .......المهم رغم انى كنت مصر على رايى قررت اللجنة اصلاح العربية فى مركز الخدمة فى خلال 48 ساعة وان اى تأخير بعد كدا بيدفعولى عن كل يوم 200 ج ...........اخدت القرار وخرجت قعدت مع المحقق وقولتله هو ليه رئيس اللجنة عمل كدا قاللى متقلقش انت مش هتخسر روح اديلهم العربية وشوف هيصلحوها ولا لأ........قولتله وايه لازمة تضييع الوقت وهما كان عندهم فرصة قبل يصلحوها...........قاللى هى دى الاجراءات...........
11- للا سف روحت تانى يوم 5-6-2013 للمركز الهرم واديتهم القرار و محمد الفرماوى ماكنش موجود استلم منى مهندس اسمه محمود فوزى..............المهم قولتله انت ملتزم تسلمنى العربية بعد 48 ساعة........قاللى انا محتاج 4 ايام اصلحها لو مش عاجبك ماتسلمش العربية !!!!!!!!!!!!!!!!! قولتله طيب والقرار قاللى ماليش دعوة بالقرارات!!!!!!!!!!!!!!!!!
12- بعد 5 ايام مش 4..........كلمنى قاللى العربية خلصت .........روحت استلمها واجربها وطلعنا على الطريق.........المهم الرعشة راحت تقريبا بس الفرامل كانت مش طبيعية وناشفة جدا فى البدال ......قاللى ما دا طبيعى عشان تيل جديد........المهم استلمت العربية وخرجت من المركز...........
13- المهم قعدت اجرب الفرامل والعربية تحس الفرامل مش طبيعية.........وبعد شهرين الفرامل بدات تضعف والرعشة ترجع تانى.......
14- فى 26-9-2013 روحت اعمل صيانة للعربية واشوف الفرامل فىها ايه.......قولت للمهندس الفرامل ضعيفة وحاسس انها مش بتفرمل ...........قاللى ممكن من التيل.........................المهم عمل الصيانة وكله تمام وقاللى اتصلحلت ..............طلعت اجربها الاقيها زى ماهى ولا كأنها دخلت صيانة قولت دا العادى واستلمت العربية ............
15..روحت حماية المستهلك.......قولتلهم العربية رجعت العيوب تانى قالولى لازم تعمل اعداة فتح للشكوى عشان هى اتقفلت .........سألتهم قفلتوها ليه قالك دا اجراء طبيعى لما محدش بيتابع ...........عملت طلب لاعادة فتح الشكوى من جديد لظهور عيوب بالسيارة..................وفعلا فتحوا الشكوى تانى................وقعدت مع المحقق وقاللى هتدخل جلسة سيارات تانى وتتحول لهندسة عين شمس ويعملوا تقرير عن العربية........
16- اتحددت جلسة فى الجهاز للجنة السيارات وطلبت تغيير العربية ...........والمهندس محمد الفرماوى قال العربية سليمة فقررت اللجنة تحويل السيارة للفحص فنى بجامعة عين شمس وكتابة تقرير فنى عنها وتكاليف اللجنة 900 ج انا اللى ادفعهم واجيبهم معاى وانا جى!!!!!!!!!!!!!! المهم انا فى الجلسة حصلت حاجة غربية جدا.............واحنا فى وسط اللجنة لاقيت رئيس اللجنة عمال يهزر مع المهندس محمد الفرماوى ويقوله انت عندك مصيف ؟؟ اصلى انا بانى فيلات فى الساحل ولقطة ولازم تاخد فيها والواحدة 2.5 مليون بس........والله انا كنت فى منتهى الاستغراب !!!!!!!!!!!!!!!!!!!!!!!!!
17- المهم ملناش دعوة بالتظبيط ...........روحت لجامعة عين شمس ومعاى 900 ج.......دفعتهم وقابلت المهندس ابراهيم عمران قاللى متقلقش هتاخد حقك وكلام كدا جميل.......اتفائلت وقلت يامسهل........طلع معاى واحد شاب تقريبا معيد هناك كدا يجرب العربية حكيتله المشكلة وكان معانا واحد راكب من توكيل المنصور.........جرب العربية على الطريق و وريته الرعشة وان الفرامل ضعيفة...........المهم قاللى لأ لازم نطلع على طريق الاسفلت ناعم.........طلعنا على طريق ناعم خالص وجرب العربية قاللى فى رعشة بس بسيطة وطبيعية ؟؟؟؟؟؟؟؟؟؟؟؟؟؟؟؟ طيب وبالنسبة لانها بتزيد على الطريق لما يكون مش مستوى ؟؟قاللى عادى......قولتله وطيب وبالنسبة ان الفرامل ضعيفة قاللى عادى بردو ممكن تغير تيل قولتله والمصحف لسه مغير تيل..........لاقيت المهندس اللى من منصور قاله محصلش؟؟؟؟؟؟؟؟..........قولتله ازاى اذا كان انا كنت عامل صيانة وانتو ما ادينى فاتورة بتغير تيل ..........وريتهم الفاتورة قالى ممكن نغيرلك تيل مستورد !!!!!!المهم قعدت احاول مع المهندس من جامعة عين شمس وروحت اتكلمت مع المهندس ابراهيم قالولى العربية مفيهاش حاجة!!!!!!!!!!!!!!!!! المهم قولتلهم انا عايز تقرير بقى انا العربية الفرامل فيها سليمة ومطابقة للمواصفات لاقيتهم اتخضوا !!!! وبعدين المهندس ابراهيم قعد معاى وقاللى بس عشان خاطرك ومش عارف ايه انا مش هكتب تقرير دلوقتى وهأجله كدا شهرين ولا حاجة وجرب العربية ولو طلع فيها حاجة نعمل اعادة فحص تانى ............
18- بعد شهرين الفرامل كانت باظت خالص والرعشة زادت جدا وفعلا كنت ببقى ماشى مابزودش عن 60 والله..........وروحت التوكيل معرفوش يعملوا فيها حاجة على الرغم من انه وهو بيسلم العربية يقولى العربية زى الفل!!!!!!!!! طلعت تانى على حماية المستهلك قاللى انت تقعد فى جلسة تانى وتطلب اعادة فحص وفعلا روحت اعادة فحص ..............طلع معاى واحد جرب العربية والمرة دى ماكانش فى حد من المنصور مش عارف ليه...........قاللى فى عيوب فعلا فى الفرامل على سرعات والرعشة جامدة وانت ازاى راكبها كدا وكشف على العربية وقاللى ان فيها عيوب تانية زى تسريب فريون وتزييق عفشة وكام حاجة كدا..........المهم كلمت الدكتور ابراهيم عمران قاللى هنكتب التقرير ونناقشة فى جلسة فى حماية المستهلك خلال شهرين .........قولتله ياريت تكتب ان السيارة بها عيوب فنية لا يجدى معها الاصلاح قاللى ربنا يسهل
19-المهم روحت للجلسة ........دخلت ولاقيت الفرماوى ومعاه الراجل الاقرع ورئيس اللجنة .........فتحوا التقرير لاقوا الدكتور ابراهيم كاتب ان العربية جت وعملت فحص فى اول مرة وكانت سليمة ولكن باعادة تبين
وجود عيوب فى الفرامل والتكييف والعفشة ..........وكتب فى النهاية النتيجة ان السيارة بيها عيوب
.........رئيس اللجنة قالى ايه طلباتك قولت ان انا عايز ارجع العربية وعايز فلوسى لان توكيل المنصور نصب على وادانى عربية فيها عيوب ............كلم المهندس محمد الفرماوى قالله ايه رايك؟؟؟ قالوه العربية سليمة وعيب الفرامل دا سوء استخدام وملناش دعوة بيه!!!!!!!!!!! وقالوة انا معنديش غير انه يجى المركز يصلح غير كدا يخبط راسه فى الحيط !!!!!! اه والله قال كدا وقال ان القانون معاه وانه بعد 14 يوم من شرا اى سلعة خلاص مفيش لا استبدال ولا استرجاع!!!!!!!!!!وان القانون فى صفه ......سألت رئيس اللجنة ايه قراره؟؟ قاللى ماتروح تصلح و يصلحها خلال 48 ساعة........قولتلة انا بطلب تحويل المشكلة للنيابة..............
20- خرجت من الجلسة وقعدت مع المحقق سألته ليه الجهاز مايلزمش المنصور باسترجاع الفلوس او استبدال السيارة بعد التقرير بالعيوب........قالى طيب هنعمل طلب ونرفعه لمدير الجهاز التنفيدى لحماية المستهلك الاستاذ احمد سمير .......المهم بعدها بيومين اترفض الطلب دخلت لستاذ احمد سمير وحكتله الموضوع.......قاللى فين التقرير الفنى قولتله مش معاى و اانتو رفضتوا تطلعولى صورة منه........طلب المحقق وجة معاه التقرير قراه قاللى انت عايز تغير العربية عشان رعشة فى البدال والدريكسون؟؟؟؟؟؟؟قولتله يعنى لو عربيتك وفيها رعشه مش هتغيرها؟؟؟؟ قاللى لو عربية ابوى كمان مش هغيرها.......قاللى كمان انت ماشى بيها 32000 كيلو......قولتلوا انا شغلى كله بالعربية اعمل ايه اقعد فى البيت ؟؟؟؟؟؟...........قاللى بص من الاخر حتى لو رئيس الجهاز وافق انه يغيرهالك فرئيس الجهاز دا عضو من 14 عضوا هما مجلس ادارة الجهاز ودول كلهم متحيزين للشركات!!!!!!!!!!!االمهم انا طلبت فى الاخر المشكلة تتحول للنيابة...........
21- دلوقتى انا بقالى حوالى 10 شهور والمشكلة فى النيابة ولسه متحولتش لمحكمة اقتصادية........ان شاء الله ربنا يقوينى واقدر اكمل عشان اخد حقى......... بس ياريت كله يخلى باله وبلاش يتعامل خالص مع توكيل المنصور ولايشترى شيفروليه ولا اوبل عشان مايشوفش البهدلة والقرف اللى انا شوفته...............وربنا يكفيكوا شر النصب............وحسبى الله ونعم الوكيل في دا توكيل
http://nileup.com/up/uploads/nilemotors_14243613101.jpg
http://nileup.com/up/uploads/thumbs/...4243613101.jpg
http://nileup.com/up/uploads/nilemotors_14243613102.jpg
http://nileup.com/up/uploads/thumbs/...4243613102.jpg
http://nileup.com/up/uploads/nilemotors_14243613103.jpg
http://nileup.com/up/uploads/thumbs/...4243613103.jpg
http://nileup.com/up/uploads/nilemotors_14243613114.jpg
http://nileup.com/up/uploads/thumbs/...4243613114.jpg
http://nileup.com/up/uploads/nilemotors_14243613115.jpg
http://nileup.com/up/uploads/thumbs/...4243613115.jpg
http://nileup.com/up/uploads/nilemotors_14243613116.jpg
http://nileup.com/up/uploads/thumbs/...4243613116.jpg
http://nileup.com/up/uploads/nilemotors_14243613116.jpg
http://nileup.com/up/uploads/nilemotors_14243617431.jpg
http://nileup.com/up/uploads/nilemotors_14243617442.jpg
http://nileup.com/up/uploads/nilemotors_14243617443.jpg
http://nileup.com/up/uploads/nilemotors_14243617444.jpg
http://nileup.com/up/uploads/nilemotors_14243617445.jpg
http://nileup.com/up/uploads/nilemotors_14243617446.jpg
http://nileup.com/up/uploads/nilemotors_14243621061.jpg
http://nileup.com/up/uploads/nilemotors_14243621072.jpg
http://nileup.com/up/uploads/nilemotors_14243621073.jpg
http://nileup.com/up/uploads/nilemotors_14243621074.jpg
http://nileup.com/up/uploads/nilemotors_14243621075.jpg
http://nileup.com/up/uploads/nilemotors_14243621076.jpg
